Provincial Department of Education, Southern Province
Home Institutions Archives Statistics Links
දැක්ම:
දැනුම පදනම් කරගත් ගුණාත්මක සමාජයක් උදෙසා අධ්‍යාපන පද්ධතිය සවිබල ගන්වන, ශ්‍රී ලංකාවේ විශිෂ්ටතම පළාත් අධ්‍යාපන දෙපාර්තමේන්තුව බවට පත්වීම.
මෙහෙවර : දැනුම පදනම් කරගත් සමාජයක් උදෙසා දකුණු පළාත් අධ්‍යාපන පද්ධතිය සදහා නිසි මඟ පෙන්වීම, සවිබල ගැන්වීම හා අඛණ්ඩ ගුණාත්මක සංවර්ධනය තුළින් විශිෂ්ටත්වය කරා මෙහෙයවීම.
 

දැනුම්වත් සමාජයක් උදෙසා ගුණාත්මක අධ්‍යාපනයක්

2016 දෙසැම්බර් මස පැවැත්වූ අ.පො.ස. (සාමාන්‍ය පෙළ) විභාගයේ ප්‍රතිඵල අනුව දකුණු පළාත අනෙකුත් පළාත් අභිබවා පළමු ස්ථානයට පත්වී ඇත. අඛණ්ඩව තුන්වැනි වරටත් මෙම විභාගයට ඉදිරිපත්වූ සිසුන්ගෙන් 77.76% අ.පො.ස. (උසස් පෙළ ) සඳහා ප්‍රවේශවීමට අවශ්‍ය අවම සුදුසුකම් සපුරා ඇත. ශ්‍රී ලංකාවේ දිස්ත්‍රික්ක 25 අතරින් ඉහළම ප්‍රතිඵල වාර්තා කිරීමට මාතර දිස්ත්‍රික්කයේ සිසු දරුවෝ සමත්කම් දක්වා ඇත. ශ්‍රී ලංකාවේ කලාප අධ්‍යාපන කාර්යාල 98 අතරින් ඉහළම ප්‍රතිඵල වාර්තා කිරීමට වළස්මුල්ල අධ්‍යාපන කලාපයේ සිසු දරුවෝ සමත්කම් දක්වා ඇත.

2015 සහ 2016 වර්ෂවල 5ශ්‍රේණිය ශිෂ්‍යත්ව විභාගය සමත් ( ලකුණු 70 ට වඩා වැඩියෙන් ලබා ගත්) සිසුන් සංඛ්‍යාව සහ අ.පො.ස (සාමාන්‍ය පෙළ) සමත්ව අ.පො.ස (උසස් පෙළ) හැදෑරීමට සුදුසුකම් ලැබූ ශිෂ්‍ය සංඛ්‍යාව සැලකූ විට දකුණු පළාත අනෙකුත් සියළුම පළාත් අභිබවා ප්‍රථම ස්ථානයට පත්ව ඇත. මෙය දකුණු පළාතේ අධ්‍යාපන පද්ධතියේ ඵලදායී මෙන්ම ගුණාත්මක සංවර්ධනය නිරූපනය කරන ප්‍රබල සන්ධිස්ථානයකි.

තවද 2014 වර්ෂයේ අ.පො.ස (උසස් පෙළ) විභාගය සමත්ව විශ්ව විද්‍යාල ප්‍රවේශය සඳහා සුදුසුකම් ලැබූ ශිෂ්‍ය සංඛ්‍යාව සැලකූ විට දකුණු පළාත 3 වන ස්ථානයට පත්ව ඇති අතර 2015 වර්ෂයේ 5 වන ස්ථානය ලබා ගෙන ඇත. 2016 වර්ෂයේ මෙන්ම ඉන්පසු වර්ෂවල දකුණු පළාතේ විශ්ව විද්‍යාල ප්‍රවේශය සඳහා සුදුසුකම් ලබන ශිෂ්‍ය සංඛ්‍යාව වර්ධනය කර ප්‍රථම ස්ථානය කරා රැගෙන ඒම දකුණු පළාතේ අධ්‍යාපන පද්ධතිය සංවර්ධනය කිරීම හමුවේ ඇති එක් අභියෝගයකි.

කලාප අධ්‍යාපන කාර්යාල 11 කින් හා කොට්ඨාස අධ්‍යාපන කාර්යාල 39 කින් සමන්විත සහායක පරිපාලන ව්‍යුහයකින් සමන්විත දකුණු පළාතේ ජාතික පාසල් 66ක් හා පළාත් පාසල් 1048කින් සමන්විතවේ.



Mr. Nimal Disanayake
පළාත් අධ්‍යාපන අධ්‍යක්ෂ

 
 
 
 
 
 
 
 

අර්ධ වාර්ෂික පරීක්ෂණය - 2017 ජුලි
කාල සටහන

Education Department of Southern Province,
Uper Dickson Road,
Galle,
Sri Lanka.